«Таза Қазақстан» – тазалық мәдениеті

«Таза Қазақстан» – тазалық мәдениеті
Мемлекет басшысы Қасым-Жомарт Кемелұлы Тоқаевтың тікелей тапсырмасымен қолға алынған «Таза Қазақстан» бағдарламасы аясында елімізде қыруар жұмыс атқарылуда. Дегенмен бұл бір күндік акция емес екенін ұмытпауымыз керек.
Осы орайда Жамбыл облыстық қан орталығы тұрақты түрде тазалық жұмыстарын жүргізіп келеді. Халық даналығында «Тазалық оны сақтаған жерде болады» деген сөз тектен-тек айтылмаған. Бұл ұстаным ұжым үшін де бұлжымас қағидаға айналған.
Осы үрдіс бүгін «World Cleanup Day» (Дүниежүзілік тазалық күні) халықаралық экологиялық акциясы аясында өткен жалпы халықтық сенбілікте жаңаша сипат алды. Орталықтың барша қызметкерлері мекеме ғимаратының айналасын айнадай жалтыратып, абаттандыру жұмыстарын жүргізді.