Жақсылықтың үлкен-кішісі болмайды. Ең бастысы ниет түзу болса болғаны. Осы орайда біздің орталыққа келіп ерікті түрде қан тапсыратын жандарға шын мәнінде тәнті боламыз.
Расында да донор болу – адами асыл қасиеттің үлгісі. Өйткені донорлардың осы бір ізгілікті қадамы талай жанның үмітін оятып, ертеңгі күнге деген сенімін нығайтады. Өмірге құштарлығын арттырады.
Бүгін де осындай жақсылыққа жаны құмар жандар орталыққа арнайы келіп, мейірімділік миссиясына өзіндік үлестерін қосты.
Сол қатарда Жуалы ауданының әкімі Жалғас Мұртаза да көппен бірге қан тапсырып, игілікті істің басы-қасынан табылды.
Біз қым-қуыт жұмысынан уақыт бөліп, мұқтаж жандарға қол ұшын созуға келген Жалғас Әлижанұлына зор алғысымызды білдіреміз.
