Аферездік тромбоцит концентратын дайындау әдісі
Аферездік әдіспен тромбоциттік концентрат дайындау — қазіргі заманғы, қауіпсіз әрі тиімді технологиялардың бірі.
• Әдістің мәні
Аферез кезінде донор арнайы аппаратқа қосылады. Аппарат донор қанын алып, оны айналдыра отырып тек тромбоциттерді бөліп алады, ал қалған қан компоненттері қайтадан донор ағзасына жіберіледі. Процедура жабық, стерильді жүйеде өтеді.
Процедураның ұзақтығы ️
Аферездік донация орта есеппен 60–90 минутқа созылады және донор дәрігерлердің тұрақты бақылауында болады. ️️ Сондай-ақ, бұл процедураның донордың өзі үшін де қауіпсіз екендігін атап өткен жөн. ️ Медициналық тексеру барысында бастапқыда тромбоциттер деңгейі жоғары донорлар іріктеледі. Аферез аппаратына енгізілген гемокалькулятор операторға нақты донордан оның денсаулығына зиян келтірмей қанша мөлшерде жасуша алуға болатынын көрсетеді.
• Артықшылықтары
Бір донациядан жоғары терапиялық доза алынады
Бірнеше донор қанының араласуын қажет етпейді
Реципиент үшін асқыну қаупі азаяды
Донор ағзасы тез қалпына келеді
Тромбоциттерді жиі тапсыруға мүмкіндік бар
• Қауіпсіздік
Процедура алдында донор толық тексеруден өтеді. Қолданылатын барлық материалдар бір реттік, бұл инфекция жұқтыру қаупін болдырмайды.
• Маңызы ️
Аферездік тромбоциттер әсіресе:
онкологиялық науқастарға ️
химиотерапиядан кейін
ауыр жарақаттар мен қан кетулерде
күрделі операциялардан кейін
өте қажет.
Аферездік әдіс — науқастардың өмірін сақтауда маңызды рөл атқаратын заманауи тәсіл.
