Кездесуге «Отбасы Банк» мамандары қатысып, қызметкерлерге: жеке және отбасы бюджетін тиімді жоспарлау,жинақ жүйесін дұрыс ұйымдастыру, қаржылық мақсаттарды қою және оларға жету жолдары жөнінде жан-жақты әрі пайдалы ақпарат ұсынды.
Семинар интерактивті форматта өтіп, қатысушылар өздерін қызықтырған сұрақтарын қойып, нақты әрі практикалық кеңестер алды. Бұл формат ақпаратты тез әрі тиімді меңгеруге мүмкіндік береді.
«Отбасы Банкпен» ынтымақтастығымыз 7 жылдан астам уақыттан бері жүйелі түрде жалғасып келеді. Осы уақыт ішінде көптеген қызметкерлер банк бағдарламалары арқылы өз тұрғын үйлерін сатып алу мүмкіндігіне ие болды, бұл олардың болашаққа деген сенімділігін арттырады.
Қан орталығы «Отбасы Банк» мамандарына кәсібилігі мен тәжірибесімен бөліскені үшін алғыс білдіреді. Мұндай сенімді серіктестік мемлекеттік қызметкерлерге көрсетілетін нақты қамқорлықтың айқын көрінісі.
Қызметкерлерге көрсетілетін қамқорлық - олардың сенімділігі, тұрақтылығы және тиімді жұмысының кепілі. Алдағы уақытта да бұл ынтымақтастықты жүйелі түрде жалғастырамыз.
