🔰Жамбыл облысы әкімдігінің дене шынықтыру және спорт басқармасы қай кезде де қайырымды істерімен елге үлгі көрсетіп келеді. ✅Бүгін мекеме ұжымы басқарма басшысы Ернар Ибраимовтың бастамасымен облыстық қан орталығына арнайы келіп, ерікті түрде қан тапсыру акциясына белсене қатысты.
♻️Донор болу - бір реттік шара емес, терең мағынаға ие, шынайы жанашырлық пен азаматтық жауапкершілікті көрсететін ізгі қадам. Көп жағдайда донор қаны науқастардың, жазатайым оқиғаға тап болған жандардың немесе ауыр дертпен күресіп жатқан адамдардың өмірін сақтап қалуға мүмкіндік береді. Сондықтан, бұл игі іс сөзсіз құрметке лайық.
Басқарма ұжымы тек спортты дамыту ісінде ғана емес, сондай-ақ қоғам алдындағы әлеуметтік жауапкершілігін де жоғары деңгейде көрсетіп отыр. Қызметкерлердің белсенділігі, жанашырлықпен атқарған ісі адамгершіліктің, бірлік пен ұйымшылдықтың белгісі. ✅Осы орайда патриоттық пен парасаттылықтың үлгісін танытқан басқарма басшысы Ернар Таласбекұлына және барша донорларға зор алғысымызды білдіреміз.🙏🤝
