Қазақстан Республикасы Денсаулық сақтау министрінің 2020 жылғы 2 қазандағы «Донорларды медициналық тексеруге, медициналық мақсаттағы қан препараттарын өндіру кезінде қауіпсіздік пен сапаға қойылатын талаптарды бекіту туралы» бұйрығына сәйкес ерлер жылына 6 реттен көп емес, әйелдер жылына 4 реттен көп емес қан тапсыра алады. Қан тапсырғаннан кейін донор қайтадан қан тапсырғанға дейін кемінде 60 күн және донор плазманы тапсырғанға дейін кемінде 30 күн болуы керек.
Плазма тапсырылғаннан кейін донор плазманы немесе қанды қайтадан тапсырғанға дейін кем дегенде 14 күн қажет
Қан мен оның компоненттерін донациялау арасындағы интервалдар:
* Толық қан тапсыру: кем дегенде 60 күн.
* Плазманы тапсыру: кем дегенде 14 күн.
* Тромбоциттер тапсыру: кем дегенде 14 күн.
