Қан донорларына қойылатын талаптар
- Жасы және денсаулық жағдайы
• Жасы: Донордың жасы 18 жастан кем болмауы тиіс.
• Салмағы: Донордың салмағы кемінде 50 кг болуы қажет.
• Жалпы денсаулығы: Донордың жалпы денсаулығы жақсы болуы керек, яғни қандағы сапаға немесе донордың өз денсаулығына кері әсер ететін жедел не созылмалы аурулары болмауы тиіс.
- Қан тапсыруға қарсы көрсетілімдер
• Жұқпалы аурулар: Мысалы, ВИЧ, В және С гепатиті, мерез, туберкулез.
• Созылмалы аурулар: Жүрек-қан тамырлары жүйесінің ауыр түрлері, бауыр мен бүйрек аурулары, онкологиялық аурулар.
• Психикалық бұзылулар: Донорда қан тапсыру рәсіміне кедергі келтіретін психикалық аурулар болмауы тиіс.
- Алдыңғы қан тапсырудан кейінгі үзіліс уақыты
• Толық қан: Қан қайта тапсыру аралығы кемінде 60 күн болуы қажет.
• Тромбоциттер: Екі аптада бір реттен жиі тапсыруға болмайды.
- Медициналық себептер бойынша қарсы көрсетілімдер
• Жүкті және емізулі аналарға қан тапсыруға рұқсат етілмейді.
• Қан арқылы жұғатын аурулары бар адамдар (мысалы, қан аурулары, вирустық инфекциялар) донор бола алмайды.
• Екпеден кейін, хирургиялық операциялардан немесе кейбір дәрі-дәрмектерді қабылдағаннан кейін ағзаның қалпына келуіне уақыт қажет.
- Қан тапсыру рәсімі
• Қан тапсырар алдында донор дәрігер қарауынан өтіп, медициналық тексеруден (қан қысымы, тамыр соғысы, температура, гемоглобин деңгейі, АЛТ, қан тобы, резус-фактор) өтуі керек.
- Қан тапсырар алдындағы тамақтану
• Аш қарынға қан тапсыруға болмайды, процедура алдында жеңіл таңғы ас ішу ұсынылады.
• Қан тапсырудан 24 сағат бұрын майлы, ащы тағамдарды, сүт өнімдерін, алкоголь мен кофеин бар сусындарды тұтынуға болмайды.
- Қалпына келу кезеңі
• Қан тапсырғаннан кейін 10–15 минут тынығып, тәтті шай немесе шырын ішу ұсынылады.
• Бірнеше күн бойы ауыр физикалық күш түсіретін әрекеттерден аулақ болу қажет.
Add comment
