🔍 Жамбыл облыстық көпбейінді балалар ауруханасындағы мониторинг

Бүгін Жамбыл облыстық қан орталығының мамандары Жамбыл облыстық көпбейінді балалар ауруханасында жоспарлы мониторинг жүргізді.

📌 Сапардың мақсаты — донорлық қан мен оның компоненттерін клиникалық тәжірибеде қолдану мәселелерін зерделеу. Пациенттерге трансфузиялық көмек көрсету барысында стандарттар мен хаттамалардың сақталуына ерекше назар аударылды.

✅ Медициналық қызметтердің сапасын арттыруға бағытталған жүйелі жұмыстың аясында Жамбыл облыстық қан орталығы клиникалық трансфузиология бойынша ұйымдастырушылық - әдістемелік іс - шараларды тұрақты түрде өткізіп келеді.

Жұмыс тобының құрамында:
– қан дайындау бөлімінің меңгерушісі С.М. Досжанова,
– медициналық зертхана меңгерушісінің міндетін атқарушы А.Б. Ильясова,
– бас медициналық мейірбике Э.М. Ембаева.

🩸 Мұндай іссапарлар қан құю сапасы мен қауіпсіздігін арттыруға, сондай - ақ өңірдегі медициналық ұйымдар арасындағы өзара ынтымақтастықты нығайтуға ықпал етеді.

Аталған жұмыс Жамбыл облысының денсаулық сақтау мекемелерінде донорлық қанды тиімді және ұтымды пайдалану мақсатындағы жүйелі тәсіл аясында жалғасуда