«Жамбыл облысы әкімдігі денсаулық сақтау басқармасының Жамбыл облыстық қан орталығы» ШЖҚ КМК зертханалық қызмет сапасының жоғары деңгейін қамтамасыз ету бойынша жүйелі жұмыстарын жалғастырып келеді.
2025 жылғы шілде айында кәсіпорында СТ РК ISO 15189:2023 «Медициналық зертханалар. Сапа мен құзыреттілікке қойылатын талаптар» стандартына сәйкестігін растау мақсатында менеджмент жүйесінің ішкі аудиты сәтті өткізілді.
Айта кетейік, орталық осы стандарттың жаңа нұсқасы бойынша алғашқы аккредитациядан сәтті өтіп, зертханалық диагностиканың тәжірибесіне жаңартылған талаптарды енгізген өңірдегі алғашқы мекемелердің бірі болды.
Ұлттық аккредитация жүйесінің ережелеріне сәйкес, ішкі аудиттер жыл сайын өткізіліп, сапа жүйесінің тиімді жұмыс істеуін бақылауға және үдерістерді үнемі жетілдіруге бағытталады.
Аудит бекітілген ішкі аудит жоспарына сәйкес, Қазақстан Республикасының техникалық реттеу және метрология мемлекеттік жүйесінің сарапшы - аудиторы Дарибаева Айгүл Әлиақпарқызы (Астана қ.), «Ұлттық аккредитация орталығы» РМК техникалық сарапшысы, дәрігер - лаборант Ибраева Маржан Базарбайқызы (Қызылорда қ.) сияқты тәуелсіз білікті сарапшылардың қатысуымен өткізілді.
Аудит барысында зертхананың барлық негізгі үдерістеріне жан - жақты бағалау жүргізілді:
- Персоналды басқару және құжаттама,
- орта мен жабдықтарға қойылатын талаптарды сақтау,
- сынамалардың қадағалану мүмкіндігі,
- зертханалық зерттеулердің дәлдігі мен сенімділігі,
- сапа менеджменті жүйесінің тиімді қызмет етуі.
Ішкі аудиттің негізгі мақсаты – зертхананың менеджмент жүйесінің объективті бағасын беру, стандарт талаптарына сәйкестігін анықтау және одан әрі жетілдіру бағыттарын белгілеу.
Аудит қорытындысы бойынша сарапшылар зертхананың стандарт талаптарына толық сәйкес екенін растады және орталықта енгізілген үздік тәжірибелерді ерекше атап өтті. Әсіресе, зертханалық нәтижелердің жоғары сенімділігіне назар аударылды. Бұл диагноз қою мен емдеу әдістерін таңдауда аса маңызды фактор болып табылады.
Аудит нәтижелері бойынша қорытындылар мен есеп рәсімделді.
Жыл сайынғы ішкі аудиттер өткізу орталықтың сапа мәдениетінің ажырамас бөлігі болып табылады және мекеменің жоғары кәсіби стандарттарға, пациенттердің қауіпсіздігіне және тұрақты даму ұстанымдарына адалдығын көрсетеді.
Орталық жаңалықтарынан хабардар болыңыз – біз Жамбыл облысы халқының денсаулығы мен қауіпсіздігі жолында жұмыс істей береміз!
