Көп компонентті донорлық – донорлықтың бұл түрі бір донордан бір уақытта бірнеше қан компоненттерін алуды қамтиды. Процедураның бұл түрі арнайы жабдықта цитаферезді қолдану арқылы жүзеге асырылады.
Цитаферез – қанның жасушалық компоненттерін (тромбоциттер, эритроциттер, лейкоциттер (лимфоциттер, гранулоциттер), шеткергі қан түзуші жасушалар, бластоциттер, неоциттер) бөліп алу және жинау (жою).
Көп компонентті қан жинауда бір процедурада бір донордан бірнеше қан компоненттері алынады, мысалы:
а) тромбоциттер мен плазма;
б) эритроциттер мен плазма;
в) тромбоциттер мен эритроциттер;
г) тромбоциттер, эритроциттер, плазма;
г) лейкоциттер, плазма;
д) перифериялық дің жасушалары, плазма.
Донорлықтың бұл түрі әсіресе сирек қан топтарын, сирек фенотиптері бар қан топтарын, аутологиялық қан донорларынан және т.б. дайындау кезінде қажет.
Көп компонентті донорлық аферез процедурасының өзін жұмыс орнында арнайы дайындықтан өткен медицина қызметкері – эксфузионист орындайды.
Аппараттық көп компонентті аферез кезінде, ықтимал болуы мүмкін цитрат жүктемесінің алдын алу үшін, қарсы көрсетілімдер болмаған жағдайда донорға кальций препараттары ішке қабылдайтын формалар түрінде, соның ішінде тез сіңетін шайнайтын дәрілер, процедура басталғанға дейін 1 таблеткадан және оның аяқталғанға дейін әрбір келесі 30 минутта тағайындалады.
