Кез келген ұжымда жұмыс жүйелі әрі өнімді болу үшін уақытты басқаруды жетік меңгеру қажет. Онсыз іс алға баспайды. Осы орайда Жамбыл облыстық қан орталығында апта сайын «Уақытты басқарудың заманауи құралдары» тақырыбында тренингтер өтіп келеді. Кеше өткен іс-шара барысында қызметкерлер арнайы дәріс тыңдап бір-бірімен пікір алмасты. Қызықты ойындарға қатысып пайдалы мағлұматтарға қанықты.
Уақытты басқару белгілі бір тапсырмаларды, жобаларды және мақсаттарды орындау кезінде қолданылатын бірқатар дағдыларды, құралдар мен әдістерді алуға көмектеседі. Бұл тәсіл жоспарлау, бөлу, мақсат қою , уақыт шығындарын талдау, бақылау, ұйымдастыру, тізімдерді құру және басымдықтарды белгілеу сияқты кең ауқымды әрекеттерді қамтиды. Бұл тұрғыда мекемеде өткен тренингтер де өз тиімділігін көрсетіп, әріптестер қауымына тың серпін беруде.
