Денсаулық сақтау- жалпыұлттық міндет. Бұл тұрғыда саланы жан-жақты дамыту үшін мемлекет тарапынан барлық жағдай жасалуда. Ең бастысы қызмет сапасын арттыруға баса назар аударылуда. Осы орайда "Almaz medical group" жауапкершілігі шектеулі серіктестігі де жүйелі жұмыстарды жемісті жалғастыруда. Көпшіліктің ықыласына бөленіп жүрген серіктестікке қарасты 4-емхананың бас дәрігері Ирискуль Мирзакулова мен бас медбике Багдагул Ізбасарқызы бүгін Жамбыл облыстық қан орталығына келіп, донорлық қозғалыстың дамуына өзіндік үлестерін қосты. Осылайша ақ желеңді абзал жандар мұқтаж адамдарға көмек қолын созудан ешқашан да аянып қалмайтындығын тағы бір мәрте аңғартты. Біз өнегелі істің өрісін кеңейткен әріптестерімізге зор алғысымызды білдіреміз.
