Халық даналығында “Адамның күні - адаммен” деген сөз бар. Мұның астарында үлкен тағылым жатқандығы ақиқат. Расында да қолдан келіп тұрса қолдау көрсетіп жүргенге не жетсін? Осы орайда облыстық қан орталығына лек-легімен келіп, қан тапсырып жатқан донорларды көргенде кеудемізді қуаныш кернейді. Өмірде жақсы адамдардың бар екеніне марқаямыз. Бүгін де осындай ойға кенелдік. Атап айтқанда “Жаңа адамдар” жастар қозғалысының өкілдері ерікті түрде донорлар қатарынан табылып, ерлікпен парапар іс атқарды. Түсіне білгенге бұл үлкен өнеге. Жақсылықтың жаршысы бола білген жастар қозғалысының өкілдеріне зор алғысымызды білдіреміз.
