Жең ұшынан жалғасқан жемқорлық жойылмай мемлекеттің өркендеуі, қарыштап дамуы мүмкін емес. Сондықтан да бұл әлеуметтік кеселдің тамырына балта шабу үшін құзырлы органдар ғана емес, қоғам болып жұмылу керек. Сонда ғана нақты нәтижеге қол жеткізуге болады. Осы орайда 9 желтоқсан - Халықаралық сыбайлас жемқорлыққа қарсы күрес күні аясында бір топ белсенді азамат марапатқа ие болды. Мерейі үстем болған патриот жандардың қатарында Жамбыл облыстық қан орталығының комплаенс офицері Раушан Рахимжанованың да абыройы асқақтады. Раушан Косимқызына өңірде сыбайлас жемқорлыққа қарсы мәдениет қалыптастыруға және парасаттылық қағидаларын нығайтуға қосқан үлесі үшін арнайы Алғыс хат салтанатты түрде тапсырылды. Біз өз ісіне асқан жауапкершілікпен қарап, адалдық қағидаларын берік ұстана білетін әріптесімізді мәртебелі марапатымен шын жүректен құттықтаймыз!
https://tarazdonor.kz/kz/zha-aly-tar/1876-riptesimizdi-m-rtebeli-marapatymen-shyn-zh-rekten-tty-tajmyz.html#sigFreeId42d49faca4
