Біз жастарды тәрбиелеу керек деген мағынада түрлі пәлсапалық ойлар айтуға бейімбіз. Ал өскелең ұрпақты қайырымдылық жасауға, мұқтаж жандарға қол ұшын созуға тартудың сауабы да мол болмақ. Осы орайда "Жамбыл жоғары медициналық колледжінің" студенттері облыстық қан орталығына келіп, донорлық қозғалысқа өзіндік үлестерін қосты. Осылайша бүгін қаншама жас хал үстінде жатқан адамға қан және оның компоненттері ауадай қажет екенін, осындай мұқтаждық туған сәтте донорлардың қарлығаштың қанатымен су сепкендей қол ұшын созатынын жан жүрегімен түсініп кетті. Әрі нағыз патриоттықтың да үлгісін көрсетті. Бұл тұрғыда жалынды жастарды тәрбиелеп, жақсылық жасауға жетелеген "Жамбыл жоғары медициналық колледжінің" басшылығы мен оқытушыларына, донор болған студенттер қауымына зор алғысымызды білдіреміз.
