Біз патриотизм туралы айтқанда пайымымызды философияға апарып тірейміз

Біз патриотизм туралы айтқанда пайымымызды философияға апарып тірейміз. Патриотизм жалаң ұранмен емес, жарқын істермен сабақтасуы керек. Қоршаған ортаны таза үстасақ, мұқтаж жандарға көмек қолын созсақ, міне сол патриотизм! Осы орайда ерікті түрде қан тапсырып, елге пайдасын тигізіп жүрген азаматтардың ісі де нағыз ерлікпен пара-пар қадам. Бүгін Қазақстан Республикасы Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Жамбыл облысы бойынша департаментінің қызметкерлері де жақсылыққа жаны құмар донорлар қатарынан табылды. Нақты айтқанда облыстық қан орталығының жылжымалы бригадасы аталған департаментте болып, донорлармен жұмыс істеді. Осы орайда "Донор күні" акциясына қолдау көрсетіп, сауапты іске ұйытқы болған департамент басшылығына зор алғысымызды білдіреміз.