Кең далаға көрік беріп, әз Наурыз да жетті. Ұлыстың ұлы күні әрбір мекеме - кәсіпорында, ауыл - аймақта сән - салтанатымен аталып өтуде. Бұл игі үрдістен облыстық қан орталығының ұжымы да қалыс қалған емес. Биылғы мейрамның жөні тіптен бөлек болды. Бүгін мекемеде айтулы мерекеге орай «Наурыз тойы - мереке, салт, дәстүр - береке» тақырыбында тағылымы мол шара өтті. Мұнда ән мен жырдан шашу шашылып, құрылымдық бөлімшелер қызметкерлері «Әлем халықтарының салт - дәстүрлері» атауымен қазақ, өзбек, грузин, корей, түрік, орыс ұлттарының дәмінен ас әзірлеп, кең дастархан жайды. Молшылық дегеніміз міне, осы емес пе? Ізгі тілек, игі ниет бір арнада тоғысып, «Ұлыс оң болсын! Ақ мол болсын!» деп бата да берілді.
#ядонор #yadonor #яспасжизнь #ятвойдонор #спасибодонор #tarazdonor #донорство #службакрови #оставайсядонором #сдатькровь #яхочуделатьдобро #яхочупомочь #донор #МыВместеостаемсядонорами #спасижизнь
https://tarazdonor.kz/kz/zha-aly-tar/1649-ken-dala.html#sigFreeId0da02fdb66
