Тереңнен түсіне білсек, бұл Отанды сүюдің, ел мен жерді қастерлеудің жарқын үлгісі. Отанын сүйген адам оның әрбір құндылығына құрметпен һәм шынайы жанашырлықпен қарайды. Осы орайда біз өзгенің өміріне бейжай қарамайтын, қиналғанға қол ұшын соза білетін жандарды да нағыз патриоттар деп есептейміз. Әсіресе, қан орталығына келіп, донор болып жүрген асыл азаматтардың қадамы ерлікпен пара - пар. Біз бүгін де осындай жандармен жүздестік. Атап айтқанда Тараз қаласындағы #1 арнаулы әлеуметтік қызмет ұсыну орталығының басшылығы мен қызметкерлері біркісідей келіп, қан тапсырды. Бұл тұрғыда біз бірлігі жарасқан ұжымға зор алғысымызды білдіреміз.
https://tarazdonor.kz/kz/zha-aly-tar/1540-patriotty-degen-ymdy-rkim-r-alaj-t-sinedi.html#sigFreeId07c63c6c9f