Жамбыл облысының әкімі Нұржан Нұржігітов жұмыс сапарымен Тараз қаласын аралау барысында облыстық қан орталығына арнайы ат басын бұрып, мекеменің тыныс-тіршілігімен танысты. Қан және оның компоненттерін дайындау, қайта өңдеу, сапасын бақылау, сақтау, өткізу және құю жұмыстары атқарылатын орталықта бүгінде 118 қызметкер еңбек етуде. Аймақ басшысы жүзеге асып жатқан жұмыстарға оң бағасын беріп, мамандардың еңбегіне табыс тіледі.
