Жамбыл облыстық қан орталығына келіп, донор болатын азаматтардың қашанда қадамы нық. Өйткені, бұл сауапты істің бастауы. Бүгін міне, Жамбыл көлік прокуроры Аслан Әбішұлы Әбілдаев осындай игі амалдар тізбегін лайықты жалғастырып, өзгелерге үлгі көрсете білді. Өмірде небір тосын жайлар болып тұрады. Төтенше жағдайлардың, өзге де оқыс оқиғалардың салдарынан көптеген адамдар қан және оның компоненттеріне зәру болып жатады. Осындай сынаққа тап болған жандарға көмек көрсету-баршамыздың азаматтық парызымыз деп білемін, -дейді Аслан Әбішұлы. Қадағалаушы органда заңдылықтың сақталуын қамтамасыз етіп қана қоймай, донор болу арқылы мейірім шуағын төккен Аслан Әбішұлына зор алғысымызды білдіреміз. Шарапатты істе шектеу болмайды. Ендеше, сіз де қалыс қалмаңыз, ағайын!
https://tarazdonor.kz/kz/zha-aly-tar/1361-zhambyl-oblysty-an-ortaly-yna-kelip-donor-bolatyn-azamattardy-ashanda-adamy-ny.html#sigFreeIdf5ea49f1ed
