Күн райының құбылуына байланысты құтқарушылардың қызметі де қарбаласқа толы болатындығы айтпаса да түсінікті. Алдын ала ескертуді елемей, жолға шығатын жүргізушілер де кей - кейде түрлі қиындыққа тап болып жатады. Сондай сәтте бірінші болып сала мамандары көмекке келеді. Осылайша мұқтаж жандарға қол ұшын созуды қызметтік міндет қана емес, адамгершіліктің үлгісі деп білетін құтқарушылар тұрақты түрде қан тапсыруды да игі үрдіске айналдырған. Бүгін Жамбыл облыстық төтенше жағдайлар департаментінің ұжымы қалыптасқан дәстүр бойынша кесте бекітіп, кезек - кезегімен қан тапсыруға келді. Бұл шын мәнінде өзге мекеме - кәсіпорындарға да өнеге болатын бастама. Осы орайда патриоттық пен парасаттылықтың парқын биіктетіп, жақсылық жасаудың жаршысы бола білген департамент басшылығы мен қызметкерлеріне зор алғысымызды білдіреміз.
#ядонор #yadonor #яспасжизнь #ятвойдонор #спасибодонор #tarazdonor #донорство #службакрови #оставайсядонором #сдатькровь #яхочуделатьдобро #яхочупомочь #донор #МыВместеостаемсядонорами #спасижизнь
https://tarazdonor.kz/ru/novosti/1924-zhambyl-oblysy-t-arushylary-an-tapsyrudy-d-st-rge-ajnaldyrdy.html#sigFreeId3cdf7465ed
