Ұлы дала ұландарын тәрбиелеуде ұлағатты ұстаздардың атқарып жатқан еңбегі ұшан - теңіз. Мұғалімдер оқушының үздік үлгерімі мен үлгілі тәртібін қамтамасыз етіп қана қоймай, олардың тұлға болып қалыптасуына, сол арқылы егемен еліміздің дамуына берік негіз қалауға сүбелі үлес қосуда. Педагог мамандығы сонысымен де қастерлі, сонысымен де беделді. Бүгін Тараз қаласындағы Ыбырай Алтынсарин атындағы №49 гимназияның ұжымы Жамбыл облыстық қан орталығына келіп, ұйымшылдықпен қан тапсырды. Қай кезде де адами капиталды дамытуға айрықша мән беретін сала мамандары көмекке мұқтаж жандарға қол ұшын созуды да басты парызымыз деп біледі. Осылайша педагогтар патриоттықты тек сөзбен ғана емес іспен де дәлелдеп жүр. Оған бүгін тағы бір мәрте жеткіздік. Бұл тұрғыда жанашырлық көңілпен, жақсылыққа ұмтылған пейілмен сауапты істің ұйытқысы бола білген гимназия директоры Гульфия Сәбитқызына, жауапты қызметкер Тоқжан Жапсарбайқызына және барша донор ұстаздарға зор алғысымызды білдіреміз.
#ядонор
#yadonor
#яспасжизнь
#ятвойдонор
#спасибодонор
#tarazdonor
#донорство
#яхочуделатьдобро
#яхочупомочь
#донор
#МыВместеостаемсядонорами
#спасижизнь
