Қарбаласқа толы өмірде, қарапайым ғана амалдар қаншама адамдарға үміт отын сыйлап, құштарлығы мен құлшынысын арттырады. Ертеңге деген сенімін нығайтып, еңсесін тіктейді. Міне, осы қатарда донор болып жүрген азаматтардың ісін нағыз ерлік деп бағалаған ләзім. Өйткені, донор өз қанын бере отырып, өзіне мүлде бейтаныс адамдардың өмірін сақтайды.
Донорлық қан - бұл жоспарлы емдеу кезінде де, шұғыл көмек көрсету кезінде де құнды ресурс. Осы орайда донор болған “Жамбыл облыстық жұқпалы аурулар ауруханасының” басшылығы мен ұжымына Жамбыл облыстық қан орталығының атынан жауаптылықтарыңыз бен белсенді өмірлік ұстанымдарыңыз үшін, науқастардың өмірін құтқаруда риясыз көмек көрсеткендеріңіз үшін зор алғысымызды білдіреміз.
Донор болу – ерлікке тең! Донор болыңыз - басқа адамдардың өмірін сақтап қалуға көмектесіңіз!
