«Бір кісі мың кісіге олжа салар» деген тәмсіл бар. Расында да адам баласының жүрек түкпірінен жол тартатын жылылықтың жөні бөлек. Бұл тұрғыда мейірімділіктің әлемді құтқаратындығы да ақиқат. Жақсылықтың үлкен-кішісі болмайды. Ізгі қасиеттердің бәрі де біздің ниет-пейілімізге байланысты. Осы орайда облыстық қан орталығының жылжымалы бригадасы «81067» және «03858» әскери бөлімдерінде болып, донорлармен жұмыс жүргізді. Еліміздің қауіпсіздігі мен аумақтық тұтастығын сақтауда әскери бөлімдерге артылған міндет көп. Өздеріне жүктелген тапсырманы бұлжытпай орындап жүрген сардарлар мен сарбаздар доноциялық қозғалысты дамытуға да оң көзқараспен қарайды. Бүгінгі шара барысында да әскерилер нағыз патриоттықтың үлгісін көрсетті. Бұл қайырымдылықтың да жарқын көрінісі. Біз қауырт жұмыстарына қарамастан алтындай уақытын бөліп, мұқтаж адамдарға көмек қолын созған әскери бөлімдердің басшылығы мен қызметкерлеріне өз алғысымызды білдіреміз.
https://tarazdonor.kz/kz/zha-aly-tar/1740-bir-kisi-my-kisige-olzha-salar.html#sigFreeId636956be22
