Алғыс айту күніне орай Жамбыл облысы әкімдігі жастар саясаты мәселелері басқармасының «Жастар ресурстық орталығы» мекемесі өзгелерге үлгі боларлық керемет шара ұйымдастырды. Атап айтқанда жалындаған жастар «Ертеңгі күннің батыры» акциясы аясында ұйымшылдықпен қан тапсырып, өтеусіз донорлыққа өзіндік үлестерін қосты.
Егемен еліміздің ертеңі саналатын буынның бүгінгі бастамасы облыстық қан орталығының ұжымын тәнті етті. Ал мұқтаж жандардың айтар разылығы бір бөлек. Ең бастысы аймағымызда теңізге тамған тамшыдай болса да жақсылық жасауға бейім тұратын өскелең ұрпақтың көбейіп келе жатқаны қуантады. Осы орайда жергілікті жерде жастармен жұмысты жандандырып келе жатқан орталықтың басшылығы мен қызметкерлеріне зор алғысымызды білдіреміз.
#ядонор #yadonor #яспасжизнь #ятвойдонор #спасибодонор #tarazdonor #донорство #службакрови
#оставайсядонором #сдатькровь #яхочуделатьдобро #яхочупомочь #донор
#МыВместеостаемсядонорами #спасижизнь
